Google Adsense “Performance Reports” option ke baare me poori jaankari.

Dosto, Adsense ka performance reports option bahut hi kaam ka chiz hai.Yeh aapke daily ke site performance ko batata hai.Yeh option keval aapka earning hi nahi balki earning se related saari jaankari deta hai.Performance report option ked war aap graph ke Madhyam se daily , weekly ya monthly apne adsense account ke performance aur site ke performace ko check kar sakte hai.

Yeh performance report aapko earning increase karne ke kaphi jyada help karta hai.Performance report ke basis per aap jaan sakte hai ki aapko apne site me kya modification karna chahiye taaki aapka earning increase ho sake.Aap tabhi kisi chiz me progress kar sakte hai jab aapke pass usko achieve karne ka raasta ho.Performace report hame wahi raasta dikhaata hai jisko follow karke hum apne earning ko kai guna jyada increase kar sakte hai.

Adsense account ke performace ko show karne ke liye isme bahut saare option include kiye gaye hai.Hum one by one sabhi option ke baare me charcha karege : -

Data Breakdowns

Adsense data ko bahut saare option ke basis per divide kiya gaya hai taaki aapko samajh ne sahuliyat ho : -

a) Time – Aap Adsense account ke performance ko days, week aur month ke basis per dekh sakte ho.Aapko iske liye adsense account ke top per Date range ko select karna hota hai.Yaha per aap ek date range ko dusre date range ke sath comparison bhi kar sakte ho aur dono time per apna Adsense performace dekh sakte ho aur jaan sakte ho ki kis samay hamare Adsense account ka performance accha tha.

b) channels : - channel ab url channel aur custom channel me split ho gaya hai taaki apke site ke sabhi areas ko acche se track kar ke unke performance ke baare me jaana jaa sake.

c) Sites : - Yaha per aap domain aur sub-domain ke data ko dekh sakte hai sath unke estimated earning, ad request etc ki jaankari le sakte hai.

d) Owned sites – Adsense me ek option hota hai “owned sites” jaha per aap apne saare sites ko add kar sakte hai.owned sites me aapne jo bhi sites add kiya hai unke performance ko aap dekh sakte hai.

e) Ad types – Ad types me aap check kar sakte hai ki kitni baar aapke site per text ads, image ads ,rich media ads aur link units appear hue hai.

f) Ad networks – Yaha per aap Google certified ad networks ke data ko check kar sakte hai.for example estimated earning, ad requests etc

g) Ad sizes  - Yaha per aap dekh sakte hai ki kaun size ke ads aapke site per accha perform kar rahe hai.Unse related saare data aapko mil jaate hai.

h) Bid types – Yaha per aap dekh sakte hai ki Advertiser aapke site per appear hone waale ads ke badle kitna pay kar rahe hai. For example – cost per click or cost per thousands impressions

i) Targeting types – Yaha per aa dekh sakte hai ki ads kaise apke site ke pages per match kar rahe hai contextual ya placement targeting ke dwara.

j) Products – Agar aap Adsense ke multiple product ko use kar rahe ho earning karne ke liye to phir aap iss section me aapne saare products se realte earning aur performance ko check kar sakte ho.For example Adsense for content aur adsense for search yaha per aap dekh sakte ho ki yeh product apke total earning me kitna contribute kar rahe hai.

k) Ad units – Yaha per aap individual ad unit ke performance ko check kar sakte ho aur jaan sakte ho ki uss se kitna earning ho raha hai aur wo kaisa perform kar raha hai.

L) Countries – yaha per aap country wise apne Adsense account ke performace report ko dekh sakte ho.Sath hi earning ko bhi dekh sakte ho.

m) Platforms  - Yaha per aap platform wise saare data ko check kar sakte ho : -

Desktop – yaha per aap wo traffic details dekh sakte hai jo desktop computer use karne waale users se aati hai

High-end-mobile devices – yeh saare traffic details ke baare me batata hai jo smartphone se aata hai jaise ki android phone.

Tablet – yaha per aap wo traffic details dekh sakte hai jo tablet device se aati hai

Other mobile devices – yaha aap wo traffic details dekh sakte hai jo low-end and mid-end phone use karne waale users se aate hai.

Uper diye gaye option ke according to aap data dekh hi sakte hai lekin agar aap chahe to aur bhi kai option add karke uske dwara bhi data ka analysis kar sakte hai.

Graphs

Charts ke dwara aap apne report ka visual representation dekh sakte hai.Adsense account ka performance ko behtar samajh ne me chart important role nibhaata hai.Aaap bahut saare item ko select karke usko graph ke madhyam se samajh sakte hai.Graphi hame easy way me koi bhi report samajhne me madad karta hai.

Customization

Jab aap Adsense account me login karte hai to aapko Adsense interface ka default view dikhaai deta hai lekin aap isko change bhi kar sakte hai.Aap apne tarike se apne default view ko customize kar sakte hai.Aap customize kar sakte hai ki kaun sa metric aapke report me show hoga aur kaun sa metric show nahi hoga.

Scheduled Reports

Jab aap apne adsense account me report ko create karte ho to aap regular interval per same report ko run kar sakte ho aur apne aap ko mail bhi kar sakte ho.Iske liye aapko “save report” button ko click karna hoga aur uske baad “Run this report automatically” check box ko select karna hoga.

Performance report me default metric ke sath-sath aap bahut saare metric alag se add bhi kar sakte ho aur uske according report dekh sakte ho.

-----------

ADSENSE INTRODUCTION VIDEO YAHA CLICK KARE

ADSENSE DVD BUY KARNE KE LIYE YAHA CLICK KARE

DVD CONTENTS KE LIYE YAHA CLICK KARE

ADSENSE INCOME PROOF YAHA CLICK KARE

LATEST NEWS KE LIYE SUBSCRIBE KARE YAHA CLICK KARE

APNA QUESTION PUCHNE KE LIYE YAHA CLICK KARE

MUJHE CONTACT KARNE KE LIYE YAHA CLICK KARE

tag : full information about google adsense performance reports,adsense performance reports,what is Google adsense performance reports,video tutorial about Adsense performance reports,how to see adsense performance reports